ඉරණම

අල්ලන් අත් දෙක සෙල්ලම් තාලෙට
කෙල්ලන් කොල්ලන් නැලවෙනවා
කාලෙ ගෙවෙද්දී ආදර හැගුමන්
හිත තුල ඇවිදින් නළියනවා...............

යෞවන සමයේ ලොල්වී ප්‍රේමය
හිතතුල නෙක සිතුවිලි එනවා
වැරදුන තැන් නම් ඉතින් බොහොමයක්
පසුතැවෙනා කාලය එනවා...........

මවිපියො දහදුක් විදලා දියණිට
ජංගම කථනය ගෙන දෙනවා
ඔන්ලයින්ලු මුළු දවසෙම පංතිලු
දෙමව්පියන් ඇය රවටනවා..............

පුංච්ම කෙල්ලෙක් ප්‍රේමය පුදදී
ඔහු මුළු ජීවිතය ම හිතලා
ඔහුගේ මත්තෙම කාලේ ගෙවනවා
පාසල් වැඩ ටික මඟ හැරලා...............

දිනක් මවිපියන් හට බොරු කියලා
ඇය යනවා ඔහු හමුවන්න
සුන්දර මුහුදු තීරයේ කොනකලු
ඔහු ඉන්නේ ඇය දැක ගන්න..............

පෙමිබස් මුමුණන කපටි සිතැති ඔහු
ඇයගෙන් රාගය පිටවන්න
බලහත් කාරෙන් තලා දැම්මලු
පොඩි මල් කැකුළක් වැනසෙන්න...............

ඔහුගේ ආසා සන්  සිදුවා
දුන් නෑ ඇය හට යලි යන්න
ඔහුගේ මිතුරන් හටත් පවසලා
කිව්වා ඇයගෙන් සැනසෙන්න.............

හිති පිත්  නැති මිතුරන් සිව් දෙනෙකුත්
දුන්නා ඇයට දස වද නේක
තිස්තුන් කෝටිය දෙවියො කොහෙද නැ
පඩුපුල් අසුනත් ගිලිහෙනවා..............

විදි දුක් දන්නා ඇයම ධෛර්යෙන්
ආවත් මවිපියො හමුවන්න
සිතට එකඟ වී ඇයට බැරි වුනා
මවිපියො ලඟදී සැනසෙන්න...............

ගතට දැනෙන රිදුමන් ඉවසවුව ද
පොඩි සිත පරවි වැනසි යන්නැති

වස කුප්පියේ  ඇය සැනසීම සොයන්නැති

අවසන් නින්දත් නිදියන්න.................

ලියා තබා ලියමන ඇය විගසින්
දිවියෙන් සමු ගෙන ගිහිල්ලා සදහට...
නොකලත් වරදක් දඩුවම් මව්පියෝ
වින්දා දරුපෙම හින්දාම..................

නීතිය රැහැනින් බේරෙන්නැති වුන්
ස්වාභාව දහමෙන් දඩුවම් දෙයි දැන්
දරුවන් ඇස්දෙක වගෙ රැක ගත්තත් අද
කාමාතුරයන් බැල්ම හෙලයි නෙක ...........

ආලය රාගය අතර මැදි වෙලා
පුංචි කැකුළු පරවී යයි නම්
කොතරම් බුදු බණ කිව්වත් කුමටද
දෙවිදත් පරපුර ඇත තවමත්.............