සඳ අවරට යන්න යාවී - සඳ සාවිට කියන්න
සඳ ගඟුලේ සඳ මැකේවි - රණහංසිට පෙනෙන්න
මුතු පිණි කැට බොඳ වේවි - ඉර ගින්නට දැවෙන්න
පුංචි නගේ අස්තිර ලොව - ප්‍රේමය ගැන අහන්න
මායා වි සිතිජ ඉමේ - බොල් පොළවට වැටෙන්න
වැහි වැටුනට මිරිගු දියේ - නිරැදක බව හිතන්න
සඳ එළියට මල් පිපුණාට - පර වී බිම වැටේන්න
ලොව විෂමයි පුංචි නගේ - පරිස්සමට පිපෙන්න
පසලොස්වක සඳත් එක්ක - බුදු ගුණ ගී අහන්න
බෝ මළුවට වෙහෙර බිමට - මල් සුවඳක් ගෙනෙන්න
පිනෙන් සාර මලක් විලස - බුදු සමිදුට පුදන්න
ඔය බැතිබර පින් සිත් මල - පුදසුන මත තියන්න
මුදු මෙලෙකෙට මල් පිපුණට - ලොවට සුවද බෙදන්න
වැඩි ආයුෂ නැ මලකට - මල් නටු අග රැදෙන්න
බිමට වැටෙන පරමල් පෙති - පාගනවා ඇරෙන්න
කවුරුත් නැ පුංචි නගේ - ඒ මල් පෙති සිඹින්න ...
No comments:
Post a Comment